Ngabas Ruai

Nyau balat repa ruai aku tu sekumbang ke bebulan-bulan enda di abas.Mayuh ga bala kaban nanya kini ke penunga aku ngelama tu...ehehe..nadai mindah ke bukai sebenar iya,mina ke kadang-kadang sibuk enggau pengawa bukai.Sigi baka pama pun taun bakatu,endang mayuh pengawa lalu ngujung ke kitai nadai idea ka update blog.

Nyau bekenang ke utai ti nyadi sekumbang sebulan dua tu,aku ngasai ke taun tu balat endar penguji nuntung idup.Kadang-kadang asai ti ka rebah gaya idup sari-sari,tang enggau naka pengulih ga ngangkat ke diri baru.Pekara tu nyadi ukai semina ba aku aja,tang bala kaban bukai pan semua munyi nya kelebih agi bala ti nyangkai ngais pemakai ba menua orang.Engka tu meh penguji petara ba pun taun 2009.Tambah mega dunya kemaya hari tu nyau makin carut ngujung ke ekonomi kitai balat bendar kusut.

Nyebut pasal politik mega aku cukup begedi,bala pemegai menua kitai nyau carut din ditu berebut ke sitak menua ke dipegai sida.Bah,enti nyau majak carut serta besaman pangan diri..kemaya sida deka ngemansang ke menua deh.Aku suah enggai meda berita ba tv pama nyau kelalu mayuh ngundan cerita politik.Ba runding aku,dunya diatu sigi nadai adan endur siku2 pemesai mantai ke jaku.Ari 100% utai ke disebut sida,engka bisi kini datai 10% aja ke amat digaga.Jaku ke bukai nya semua kena nginti undi serta rauh2 bejaku madah ke diri perfect ba semua utai.Ukai ngajih serta ukai nyampi,tang enti sida majak beketu saban hari..sigi bisi maya menua ke disayau kitai serta rayat carut belaban pangan diri.Ambi chunto menua-menua bukai ti dilamun penyarut,kelebih agi ba sebelah menua tasik din.Pemimpin carut,bala rayat tuntung penusah.Enti maya beperang,bisi bala menteri sama enggau kitai bepegai senapang?nyin bala sida,engkutung ba teluk tajau.Kitai tu ke bepeluh darah.Bepanggai ba kitai empu berunding ke semua nya.

Ok lah,umbas ga aku tu kutap-kutap...ngarap ke semua raban ti macha blog aku tu gerai nyamai lantang senang ngereja pengawa kitai magang-magang.Chow dulu aku..

My Hobby

Mini Studio?hehe..

Gibson Les Paul ari China pama meh..hehe..iya ke original mar mat..

Bisi gaya baka Joe kumpulan Wings ke?hehe..

Dont try this at home,just try inside room..hehe

Enda kala tinggal..majalah pancing..

Rileks..

Siku-siku kitai endang sigi ngembuan pengerindu tauka hobi ti enda sebaka.Enti bisi maya lepa,aku suah lepak ba rumah aja.Enti bisi program luar baka enggau bala kaban trip nginti,baru aku nurun.Siti ari hobi aku ianya "nguring" gitar..hehe..antara guitarist ke diminat aku ianya Carlos Santana.Enti ba Malaysia ditu aku minat ke Joe kumpulan Wings.Laban ti ka nunda Joe kenu ko jaku,bendar ga tudah aku begiga ke electric guitar ti sebaka enggau iya..hehe..nunda gaya pama meh,taja nadai skill..wakakaka..Kelimpah ari nya,aku mega rindu macha majalah kelebih agi majalah pasal nginti.So,nama hobi kita?tinduk?makai?palau?haha..siti agi hobi aku ianya ngelanggak chap langkau..hehe..